Tour 2003 ke Eropa

(bagian ke 4 - penutup)
(baca bagian ke 1) (baca bagian ke 2) (baca bagian ke 3)

oleh Andi Kusuma

Europe Tour 2003 part 4 :
Kira2 sekitar 3-4 malam nginap di Enschede, kite siap2 buat pulang ke Jakarta.
Sehari sebelon departure, gue sewa lagi mobil buat ke Schiphol Airport besok paginye.
Gue bilang nih mobil gue mau tinggalin di Airport Schiphol.
Lalu die check dulu keadaan di Schiphol Airport Garage tuh rent car company.
Kebetulan garasi-nye kosong, jadi gue kagak usah bayar extra !
Kalu garasi-nye full, ===> berarti 'kan tuh mobil kagak bisa ditaroh di situ,
Die mesti taroh di garasi lain, dus kite kena charge !
Nah besoknye after breakfast sekitar pk. 07.oo kite udah jalan ke Schiphol Airport.
Gue turunin semua penumpang & bagasi, lalu gue pulangin mobil di pool
rent car di Airport.
Setelah serah terima, gue dikenakan lagi extra charge krn. katanye
Kilometer-nye over limit ! Padahal menurut perjanjian = no Km. limit !
Gue berdebat juga kagak ada titik temunye, padahal check in time udah deket !
Yah, terpaksa gue teken aje dah - urusan belakangan !

Truss gue lari2 ngejar waktu "check in time" !
Setelah kita check in, 'kan kite di kasih boarding pass.
Nah, dgn. menunjukkan bording pass itu kita pergi ke loket VAT claim, yaitu tempat claim pengembalian VAT (Pajak PPn) nyang udah kite bayar waktu beli barang2 di Eropa.
Kalu kagak salah pajak yg. dikembaliin = 10 % dari harga barang di Bon Pembelian.
Jadi lumayan juga dapat duit kaget ! Die kagak perduli loe belanja
dimana, entah di Jerman, di Austria, di Italy, di Prancis etc. -
pokoknye di negara2 nyang tergabung dgn. Schengen (Uni Eropa), pajak
PPn. 10 %-nya bisa langsung dikembaliin di Airport Embarkasi !
Tentu aje Bon Pembelian barang2 jangan sampe hilang !

Tukang pajak-nye tanya ke gue :"Restitusi PPn-nye mau dikembaliin ke rek. Anda atawa cash aje ?" Langsung aje gua jawab : "Cash, please !"
Truss langsung deh dibayar, kagak banyak cing-cong !

Eh, bener aje sampe di Indo gue dapat tagihan Credit Card dgn. extra charge dari rent car company ! Gue kagak mau bayar, sambil memperlihatkan surat perjanjian kontrak sewa mobil tsb.
Setelah beberapa kali saling adu argumentasi via surat / e-mail,
akhirnye gue kagak usah bayar extra charge.
He - he - he - he ! Akhirnye gue menang juga !

Jadi kalu kite berurusan sama rent car company, kite mesti kudu ati2 bener !
Yaitu :

1. Baca surat kontrak sewa-menyewa nyang teliti banget !

2. Periksa cat & body kendaraan secara teliti ! Die ada check list-nye tuh !
Kalu ada nyang kegores atawa lecet cat-nya, ===> langsung di tandain di check list-nya.
Apalagi ada nyang penyok walaupun dikit aje, ===> suruh die tandain tuh !
KALU ENGGA, NANTI LOE MESTI BAYAR "own risk" sebesar = Euro 500,--.
Berapa perak tuh !!! Kalu di Indo 'kan cuman Rp. 200 ribu own risk-nye !
(gue di sono nyetir jadi kayak orang bego - kalu parkir gue suruh
anak gue lihatin nyang bener supaya kagak nyenggol mobil lain !)
Abis bayar own risk-nye mahal banget = Euro 500,-- per incident !

3. Waktu serah terima kendaraan, CHECK Km. Stand nyang bener !!!
Jangan loe percaya aje sama apa nyang die tulis di situ !
(di Surat kontrak sewa-menyewa !)
Kadang2 tuh mobil sewaan udah die pake dulu buat keperluan pribadi, sehingga waktu loe pake Km. stand-nye (angka Km.-nye) udah bertambah - tapi 'kan loe nyang mesti bayaaar !
Ngarti, kagak ???

4. Truss check jarum penunjuk bensin di Tanki (ada di dashboard !)
Kalu perlu loe buka tuh tutup tanki bensin, colokin jari tangan loe ke
dalam.
Mestinye tuh permukaan bensin mesti bisa disentuh sama jari loe, krn.
HARUS FULL TANK.
(bisa aje jarum penunjuk bensin di dashboard udah "full", padahal kagak 100 % penuh !).

5, SELALU sewa mobil nyang pemakaian Km.-nye UNLIMITED, spy. kite bebas mau pake kemane aje !

6. Kalu kite kagak bilang apa2 waktu kite sewa mobil, ===> berarti mobil HARUS dikembalikan di tempat sewa semula !
Kalu kita balikin di kota lain, kite mesti bayar charge nyang kagak sedikit !

Mengenai duit :
1.Jangan sekali-kali bawa US. Bank note, susah tukar ke Euro ! Kurs-nye juga rugi !
2. Lebih bae bawa Credit Card, atawa uang Euro pecahan 50 ke bawah !
Kalau pecahan gede, mereka takut itu duit palsu ! Apalagi orang asing nyang bawa !
3. Bawa US. Travel Check juga rugi, karena potongannye gede !

Nah, sekian dulu dah cerita gue !
Kalu ada nyang kagak ngerti, silakan tanya !

Salam dari ; T.H.A.
6 Agustus 2010

---